B.A. (ලංකා) M.A. (වංචා)


සමහර වෙලාවට ඔබ නාඳුනන කෙනෙක් වුණත් හමුවුණහම පිළිතුරු දෙන්න වෙන ප්‍රශ්න කීපයක් තමා, ගම මොකක්ද, පාසල් ගියේ කොහෙද, උපාධිය මොකක්ද, කොයි යුනිවසිටියටද ගියේ ආදිය. සමහර වෙලාවට ලංකාවේ නම් උසාවියේ දීත් ඔබව සමච්චලයට ලක් වෙන්න ඉඩ තියනවා, උපාධියක් නිම කරලා නැත්නම්.

මා ඕස්ට්‍රේලියා ආපු මුල් දිනවල එක්කෙනෙකු අපේ විස්තර අහලා කියපු දෙයක් තමා “ආ, ඔය රුසියන් ඩිග්රි ගණන් ගන්නේ නැහැ නේද?” කියලා.  පසුව මා ඔහුව අඳුර ගන්න කොට දැනගන්න ලැබුනේ ඔහු කිසිම සරසවියකට ගිය කෙනෙක් නොවේ. ඒ දැනගත්තත් මා තුල ඔහු ගැන තිබුන හැඟීමේ වෙනසක් උනේ නැත්තේ, මා ඔවැනි දේවල් තකන්නේ නැති නිසා. අර ප්‍රකාශයම, ඔහුගේ “ඉගෙනීම” හා ආකල්ප අඳුරේ හෙළුවෙන් ඉන්න අයෙක්ව, පාරටම ලයිට් දැම්මා වගේ එළිදරවු කෙරෙව්වා.

මා නම් කිසිම කෙනෙකුගෙන් ගියේ මොන පාසලටද, උපාධිය මොකක්ද කියලා අහන්නෙම නැහැ වගේ. මා මිනිසුන් හඳුනා ගන්නේ  මේ වගේ දත්ත ඇසුරෙන් නොවේ.

මා ඊයේ පෙරේදා කියවපු ස්වයං චරිතාපදානයක් ලියලා තිබුනේ කිසිම දිනෙක පාසල් යනවා තබා, වැඩිහිටියෙක් වෙනකම් කියවන්න, ලියන්න පුළුවන්වුණ කෙනෙකු වත් නොවේ. ඔහුගේ ජීවිතය පමණක් නොවේ, ඔහු ජීවිතය දිහා ආපසු හැරිලා බලපු ආකාරයත් හරිම අපූරුයි. උපාධි තියාගෙන, තමන්ගේ ගර්භනී බිරිඳට පවා තඩිබාන ගමන්, ලෝකේ හදන්න පොත් ලියන අයට වඩා අර කලින් මනුස්සයා කොතරම් හොඳද?

මා කලින් සටහනක සඳහන් කළ, අපත් සමග වැඩ කරන උක්රේන් කාරයා, මේ අවුරුද්ද අවසානයේ, ඔහුගේ ගිවිසුම් කාලය අවසන් උනහම, රස්සාවකට ඉල්ලුම් කරන්නේ නැතිව තමන්ගේ “පොඩි බිස්නස් ” එකක්  පටන් ගන්න යනවා. ඔහුගේ අතේ ඉතිරි කරන් ඉන්නෙත් බොහොම පොඩි ගානක්.

ඇමෙරිකාවේ ආචාර්ය උපාධිය නිම කර මෙහෙ එනකොට ඔහුට තිබුනේ නිකම් වැඩ කරන්න පුළුවන් විසා එකක් පමණයි. මේ අවුරුදු දෙක තුන ඇතුලත ඔහු මෙහෙ ස්ථීර පදිංචි විසා ලබා ගත්තා. දැන් කලින් ඉගෙන ගත්තු දේවල් සේරම පැත්තකට දාලා වෙනත් දෙයක් කරන්න හදනවා. එහි සාර්ථක හෝ අසාර්ථක බව දකින්න ලැබෙන්නේ ඉදිරියේදී. හැබැයි ඔහුම කියනවා, දැන්ම මේ වගේ අත්හදා බැලීමක් නොකලොත්, ඉදිරියේ දී නම් කරන්න ලැබෙන්නේ නැහැ කියලා (දැනට ඔහු තනිකඩයෙක්).

අද මා වැඩට ගියේ නැහැ. ගරාජයේ ගොඩ ගහලා තියන පොත් පෙට්ටි ඇවිස්සුවේ කියවන්න දෙයක් හොයා ගන්න විතරක් නොවේ, අනවශ්‍ය දෙයක් තියනවා නම් වීසි කරන්නත්. මේ පහත තියන පත්තර කෑල්ල තිබුනේ මගේ පරණ ලිපිගොනුවක. මේ පත්තර කෑල්ල වසර හයක් නැත්නම් හතක් පරණ එකක්. සමහර විට මේ කියන දේ ඔබටත් වැදගත් වෙන්න පුළුවන්.

Advertisements

11 Comments

Filed under Careers/Employments, Education

11 responses to “B.A. (ලංකා) M.A. (වංචා)

  1. .// මා නම් කිසිම කෙනෙකුගෙන් ගියේ මොන පාසලටද, උපාධිය මොකක්ද කියලා අහන්නෙම නැහැ වගේ. මා මිනිසුන් හඳුනා ගන්නේ මේ වගේ දත්ත ඇසුරෙන් නොවේ.//

    මේ කෑල්ලට මම හරිම ආසයි

    • සමහර වෙලාවට කෙනෙක් පාසල මොකක්ද කියලා මගෙන් අහන්නේ, තමන්ගේ පාසල මොකක්ද කියන්න කියලා මට තේරෙන්නේ පසුව, ඔහු විසින්ම නිකම්ම ඒ බව කියපුවහම (සොරි). ඉස්සර මට මතකයි, සමහරුන් හමු උනහම, ඔබේ කේදාන්තයේ සිට පාදාන්තය දක්වා බැල්මක් දාල තමයි කතාව අරඹන්නේ. මේ ඔබේ සෞඛ්‍ය තත්ත්වය ගැන වැටහීමක් ඇති කර ගන්න නොවේ. ඔබ ඇඳලා ඉන්න විදිහ අනුව තමයි, මේ කට්ටියගේ කුළුපග භාවය වෙනස් වන්නේ. මට නම් ඒ දවස් වලත් මේවා හරි අරහන් ගති, දැන් ඊටත් වඩා. මා දැකල තියනවා ඔබටත් සමහර තැන්වල මේ වගේ අයියලා “බුලි” කරනවා. හැබැයි මේ ගොල්ලෝ කෑ ගැහුවට ඇවිස්සෙන්න නරකයි. මා ඔබ ලියන සේරම දේවල් කියවන්නේ නැහැ අටම්පහුර. තෝරාගෙන කියවීම මගේ අයිතියක් වගේම, ලිවීමත් ඔබගේ අයිතියක්. හැබැයි, කුණු හරුප, ජාතිවාදී, ආගම්වාදී, අනුන්ගේ ආගම් වලට ගරහන, කාන්තාවන්ට ගරහන දේවල් ලියන්නේ වත්,අනුන් ලියන ඒවාට ප්‍රචාරයක් දෙන්නේ වත් නැතුව ඉන්න පුළුවන් නම් ගොඩක් හොඳයි. මෙවැනි දේවල් ලියන බ්ලොග් සින්ඩි වලට ඇතුලත් කර ගැනීම කනගාටුවට කරුණක්. මට මෙවැනි බ්ලොග්ද අරහන්.

  2. මේ වගේම තමා ලංකාවේ කුලය සහ උඩරට පහතරට හොයාගන්ට නම අහන හැටි.

    මටත් කියන්ට තියෙන්නේ අටම්පහුර කියලා තියන විදියට අර කෑල්ලට මාත් හරිම ආසයි කියන එක. 🙂

    • කුල මල, හඳහන්, නැකත් යනාදිය විශ්වාස කරන අයම තමයි, ගොඩක් වෙලාවට පන්සල් යන්නෙත්. එතනදිත් දේවාලයට තමයි මුලින්ම යන්නේ ප්‍රවීනා. මට මතක් වෙන්නේ සෝපාකව. මේ පින් රැස් කරන එකයි, මෝහාන්දකාරයේ ඉන්න එකයි, දෙක එකවිට සමපාත වෙන්නේ කොහොමද කියලා ඔබට වත් පැහැදිලි කරන්න පුලුවන්ද?

  3. Kenji @ Japan

    හෙඩින් එකේ තියෙන ඉංග්‍රීසි අකුරු ටික දැක්ක ගමන් මට පෙනුනේ SB සහ BG වගේ මොකද ඔය අකුරු හතර සමග මේ දවස්වල හරිම තරහෙන් ඉන්නේ. ඔබට කියන්න රයිගම; එයාපෝර්ට් එකකදී එහෙම ලංකාවෙකමට හිනා උනාම [සමහර අය] නම,ගම,පාසැල විතරක් අහල නිකන් ඉන්නේ නැහැ ඔයා —- නේද?හැබැයි ඒ පැත්තේ කරාවේ අය වැඩියි නේද?ඔය වගේ ප්‍රශ්න ගොඩයි.මට මේ යන්න හදිසියේ,මනුස්සකමට හිනාවෙන්න ගිහිල්ල ඔයවගේ දේවල් වෙනවා.

    • Raigama

      ලංකාව කියන්නේ කොච්චර කුඩා රටක්ද කියලා, මේ රටින් පිට ගියහමත් නොතේරෙන එක මට නම් පුදුමයක් කෙන්ජි. මේ මා අහපු දෙබසක්.
      1 තරුණිය: ඔයා කොහෙද?
      2 තරුණිය ” මම …………..
      1 තරුණිය: අනේ ඔය ගම තියෙන්නේ කොහෙද?
      1 තරුණියගේ සැමියා: ඇයි ඔයාලගේ සීයාත් ………. ගමෙන් (කලින් ගමට අල්ලපු ගමක නම) නේද?
      1 තරුණිය: ඉකේයියා, ඒ කොහොමද? අපේ සියා කොළඹ නේ ඉන්නේ!
      (මා පසුව දැනගත් පරිදි ඇයගේ සීයා අර ගමෙන් නුගේගොඩට කඩයක් දාගෙන පැමිණි අයෙක්. ඔවුනගේ සියලු ඥාති මිත්‍රාදීන් ඉන්නේ තවම අර ගමේ. මේ දෙබස සිදු උනේ ඉංගිරිසි භාෂාවෙන්. තරුණියන් දෙදෙනා සිංහල කියන ජාතියට හා තරුණයා බර්ගර් කියන ජාතියට අයත් වන්නන්. සිංහල පරිවර්තනය මගෙන්. නාට්‍යමය ස්වරූපයක් ඇති කරලීම සඳහා දෙබස් වල වචන භාවිතාව, මුල් දෙබස් වලින් යම් දුරට වෙනස් විය හැක).

  4. මගෙ කමෙන්ට් එක පේන්න නෑනෙ රයිගම්හන්දිය. ඊයෙ දැම්මෙ.

    • කෝ නැහැනේ හෙන්රි, ස්පෑම් එකේ වත් නැහැ. මේ වර්ඩ් ප්‍රෙස් එකේ තියන එක අවුලක් තමා ඕක. ඔබගේ එකට කොමෙන්ටු දාන කොටත් මට ඔහොම වෙනවා. කොහේ යනවද දන්නේ නැහැ

  5. ඇත්තටම අටම්පහුර මේ ලිපිය බැලුවේ අද.

    • බැලුවේ කවදාද නොවේනේ වටින්නේ බැලුව එකනේ අටම්පහුර. ලක්මාල් කියන්නේ මා ආස කරන නමක්! 🙂