ඉතිං ඊට පස්සේ! What happened to Dedunu and Kelum?


අද කවදාවත් නොකරන දෙයක් කළා. මා මහාචාර්ය රජිව විජේසිංහගේ අලුත්ම බ්ලොග් සටහන කියෙව්වා. වෙන එකක් හින්දා නොවේ. ලංකාවේ ඉංගිරිසි අධ්‍යාපනයට (සරසවි) ඔහු කර ඇති දායකත්වය ගැන ලියපු එකක් නිසා. පසුගිය අවුරුද්දේද කොහෙද රජීව ඕස්ට්‍රේලියාවට ආපු වතාවක, ඔහුගේ දේශනයක් ඕස්ට්‍රේලියානු ජාතික සරසවියේ තිබුණා. මාත් එය අහන්න ගියා. ඔය ජාතික සංහිඳියාව ඇති කිරීම වගේ දෙයක් තමා කතා කළේ. කොලයක් බලාගෙන කරපු පරණ තාලේ දේශනයක් වුන එය හරිම කම්මැලි එකක්.

මා ඔහුගේ බ්ලොගය කියවන්නේ නැත්තේ ඒ හින්දා නොවේ. වැඩත් කතාවත් අතර මහා පරතරයක් තියන දේශපාලකයන් කියන හා ලියන දේවල් එතරම් වැඩක් නැතිය කියල සිතන හින්දා. හැබැයි, ඔහු ලංකාවේ ඉංගිරිසි අධ්‍යාපනය නංවන්න දායක වුන හැටි කියල තියන දේ ඇත්ත නම්, එය අගය කරන්න බැරි කමක් නැහැ. මට නම් පෙනුන ඇත්තම කතාව, වෙන ගොනෙක් කී කතාවකට හිත රිදීමකටත් වඩා, දේශපාලනයට පැමිණ ලබාගන්න අපේක්ෂා කළ දේවල් නොලැබුන කෙනෙකුගේ ඉච්චා භංගත්වය තමයි ඒ සටහන පුරා තිබුනේ. ඕකනේ කියන්නේ ඕවා කියවල ඇති වැඩක් නැහැ කියා.

එම සටහනට ප්‍රතිචාරයක් දාපු කෙනෙකුගේ අදහසක්  වුනේ, ඉංගිරිසි අපොස සාපෙ හා උපෙට අනිවාර්ය කරපු නැති එකේ වැරැද්ද නිසා තමයි ළමයි ඉංගිරිසි ඉගෙන ගන්නේ නැත්තේ කියා. මෙහෙම අනිවාර්ය කළා කියා ළමයින් ඉංගිරිසි ඉගෙන ගනීවිද? එහෙම ඉගෙන ගන්න පහසුකමක් තියනවාද?

මා කලිනුත් ලියල තියනවා, අපට හිටිය හොඳ ඉංගිරිසි ගුරුවරයෙක් හෝ වරියක් ගැන මට නම් මතක නැහැ. පාඩම තේරුනේ නැති හින්දා එහෙම හිතෙනවා වෙන්න පුළුවන් වුනත්, ගොඩක් වෙලාවට එයාල හරිම අහංකාර, බුම්මටු හා සෙන්ස් ඔෆ් හියුමර් කියන දේ නැති කොට්ටාශයක් කියා තමයි මට මතකයට එන්නේ.

කොහොම හරි රජීව කියන ඔය සරසවි තේරුණ සිසුන් සඳහා තියන ඉංගිරිසි පාඨමාලාවට මාත් ගියා. ඒ වෙනකොට මා ටිකක් ඉංගිරිසි “ඉගෙන” ගෙනයි තිබුනේ. ඒ කියන්නේ කියන දේවල් තේරුම් ගන්න පුළුවන් මට්ටමේ හිටියා. ඒ වෙලාවේ තමයි මට තේරුම් ගියේ, ඒ ගුරුවරුන්ට අර අපට හිටිය සමාජ අධ්‍යයන, සිංහල හෝ සෞඛ්‍යය ගුරුවරුන් වගේ තමන්ගේ විෂය රසවත්ව ඉදිරිපත් කරන්න නොහැකි ඇයි කියා. ඔවුනුත් මහා විශාරදයන් නොවේ. යන්තම් ජාමේ බේරා ගන්න දන්නා අය. මට කරුමෙට වැටුන කෙනා ඒ වගේ වෙන්න පුළුවන්. ඒ ගැන හරියටම කියන්න මා දන්නේ නැහැ.

අප හැම වෙලාවෙම කරන්නා වාගේ, දැන් මේ වගේ දේවල් වලටත් පාසලට, තිබුන අධ්‍යාපන ක්‍රමයට බැන, බැන ඉන්න පුළුවන්. අර  මගේ කලින් සටහනේත් සමරසිංහ මහතා මතු කරපු කරුණු වලින් අප, අපට හදා ගන්න පුළුවන් කොටස පැත්තකට දාල, පාසල් වලට හා අධ්‍යාපන ක්‍රමයට දෙස් දෙවොල් තියන්න පොටක් පාදා ගන්නවා.

ඉංගිරිසි හෝ වෙනත් භාෂාවක් හෝ ඉගෙන ගන්න සාම්ප්‍රදායික අධ්‍යාපනික ආයතනම අවශ්‍ය වෙන්නේ නැහැ. ඉතාම කුඩා කාලයේ සිසුන්ට මේ වගේ තේරුමක් හිතට එන්නේ නැහැ. නමුත් පාසලෙනුත් ඉවත් වෙලා වැඩිහිටි වුන පිරිස් වලට තමන්ට අවශ්‍යතාවයක් තියනවා නම්, මෙවැනි දේවල් තනියම වුනත් ඉගෙන ගන්න පුළුවන්. අප පොඩි කාලෙට වඩා, එම අවකාශ අද වැඩියි.

Advertisements

4 Comments

Filed under Education

4 responses to “ඉතිං ඊට පස්සේ! What happened to Dedunu and Kelum?

  1. අපිත් මේ තරමටවත් ඉන්ගිරිසි ඉගෙන ගත්තේ අපේ මහන්සියෙන්. ඔබ ලියා ඇති සියළු දේ හා එකඟවෙමි.

    • අපට කිසි කරදරයක් නැතුව එකඟ වෙන්න හා ජිවිතයට යම් ප්‍රයෝජනයක් වෙන්න පුළුවන් මේ වගේ දේවල් අනික් අයත් එක්ක කතා කරන්න මා කැමතියි මාතලන්. සමාජය වෙනස් කරන්න බලපාන දේශපාලන මතාන්තර ගැන එකඟ වෙන්න කලින් සමහරුන්ට මේ වගේ දෙයක් ගැන වත් හිතන්න අවශ්‍යතාවයක් නැහැ. මා අදහස් කරන්නේ ලංකාව ඇතුලේ ඉන්න ජනතාව පමණක් නොවේ. දිගට ලියුවට ගණන් ගන්න එපා. 🙂
      ශිෂ්ට මනුෂ්‍යාගේ හා ශිෂ්ට සමාජයේ ලක්ෂණයක් තමා එකඟ නොවීමට, එකඟ වීමට පුළුවන් කම හා ඒ සඳහා ඇති කැමැත්ත. ඔබගේ සටහන් වලට දැන් දැන් ප්‍රතිචාර දක්වන සමහර අයට මේ ශිෂ්ටත්වය නැති බව පේනවා.

  2. එක දෙයක් තියෙනවා. මම මෙතන ඉංග්‍රීසි ගුරුවරයෙක් හැටියට නෙවෙයි කතා කරන්නෙ.

    >>අපට හිටිය හොඳ ඉංගිරිසි ගුරුවරයෙක් හෝ වරියක් ගැන මට නම් මතක නැහැ. ගොඩක් වෙලාවට එයාල හරිම අහංකාර, බුම්මටු හා සෙන්ස් ඔෆ් හියුමර් කියන දේ නැති කොට්ටාශයක් කියා තමයි මට මතකයට එන්නේ.<<

    මටත් මතක නෑනෙ රයිගම්. ඔය විස්තරේ මට හිටපු ඉංග්‍රීසි ගුරුවරුන්ටත් ගැලපෙනවා.

    මම දන්න ඉංග්‍රීසි ටික ඔය ගුරුවරුන්ට පින්සිද්ද වෙන්න ඉගෙනගත්තෙ ටිකක් නොවන බව නම් මට හොඳටම විශ්වාසයි. ඒකට ස්තුතිවන්ත වෙන්න ඕනෙ මගෙ දෙමව්පියන්ටයි, ඉංග්‍රීසි ගැන මගේ තිබ්බ ධනාත්මක ආකල්පයටයි.

    (උඹ දන්නවද තව රහසක්? ගුරුවරයාට ළමයට තරම් ඉංග්‍රීසි භාෂාව චතුරව භාවිතා කිරීමට නොහැකි වීමත් ලෝක ලෙඩක්. මේක ගැන මම මින් එහාට කතා නොකර ඉන්නම්.)

    ඉංග්‍රීසි බැරි වෙන්න ප්‍රධාන හේතුව ආකල්පමය දෙයක්.

    මට ඕනෙ අර මට නොලැබිච්ච ජාතියෙ ඉංග්‍රීසි ගුරුවරයෙක් වෙන්න විතරයි.

    • මචන්, ඇත්තම කියනවා නම්, උඹ අර අපට නොලැබිච්ච ජාතියේ ඉංගිරිසි ගුරුවරයෙක් බවට මට නම් කිසි සැකයක් නැහැ. එහෙම කියන්නේ මන් උඹේ පන්තියක බලා හිටපු හින්දා නොවේ. ගුරුවරයෙක් දක්ෂ හෝ අදක්ෂ යයි අප කියන්නේ, එයාගේ විෂය පිලිබඳ දැනුමේ පළල හෝ පටු බව අනුව විතරක් නොවේ. එයට වඩාත්ම බලපාන්නේ ගුරුවරයාගේ ෆුල් පැකේජ් එක මොකක්ද කියන එක. මට ඔය තාම මතක සමාජ අධ්‍යයන ගුරුතුමා මතක ඔහුගේ පාඩම් කරුණු හින්දාම නොවේ.
      උඹ කියන අනෙක් කරුණ සමගත් මා හොඳටම එකඟයි. ආකල්පමය කතාව (කොට කළා මචන්!)

ඔබගේ අදහස එකතු කරන්න!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s