ප්‍රණීත මී පැණි ගෙන ආවත්!


දැනට වසර දෙක තුනකට පෙර බිබිසිය නිපදවපු Russia with Jonathan Dimbleby කියන වැඩ සටහනේ නැවත විකාශයක් ඊයේ පෙරේදා ඕස්ට්‍රේලියානු එස් බි එස් රූපවාහිනියේ පෙන්නුවා. එය නරඹන විට නිතැතින්ම මාව අතීතයට රැගෙන ගියා. ඒ දීර්ඝ දුම්රිය ගමන්, දුම් දමන සමොවාර, රුසියානු ආහාර හා මිනිසුන් දැකීමෙන්. එම වැඩ සටහන පශ්චාත් සොවියට් සමාජයේ වෙනස් වීම් විතරක් නොවේ, නොවෙනස් වීම් ද කියා පෑවා. ජොනතන් ගේ චාරිකා වැඩ සටහන් කොහොමත් ආසාවෙන් නරඹන්න පුළුවන්.

අප ඉපදුන හැදුන වැඩුන පළාත හෝ රට විතරක් නොවේ, ටික කලක් ජිවත් වුන නගර හෝ රටවල් සමග අපේ විශේෂ බැඳීමක් හා ලෝයල් බවක් තියනවා. එය හැදෙන්නේ ඉබේමයි. එහෙම කියන විට රුසියාව නැත්නම් පැරණි සෝවියට් දේශය සමග, එහි ඉගෙන ගත්ත බොහෝ දෙනාට විශේෂිත වූ ඇල්මක් තියන එක සඟවන්න බැහැ.

ගිය වසරේ මා අන්තර්ජාලය නිකම් කාල් ගාන විට, වසර කිහිපයකට කලින් මා පළ කරපු දෙයක් ගැන රුසියානු සඟරාවක උපුටා දක්වා තිබුනා. මා එය ලියපු කෙනාට ඊ මේලයක් යවමින් කියුවේ මාත් මුලින් ඉගෙන ගත්තේ ඔහේ කියලා. ඔහු එයට ලස්සන පිළිතුරක් ඒවා තිබුනා.

ඉහත කරුණ ලියුවේ පොඩි නයෙක් වශයෙන් නොවේ. අප ලබපු අධ්‍යාපනයේ ගුණාත්මක බවේ ජිවමාන සංඛේත අපමයි. එයට කාටවත් එරෙහි වෙන්න බැහැ. ඉගෙන ගත්තේ කොහෙද, කවදද, කොයි වයස් සිමාවකදීද කියන එකට වඩා වැදගත් වන්නේ, ඒ ඉගෙනීමෙන් ගත්ත ප්‍රතිපලය මොකක්ද කියන එකයි. එහෙම බලන කොට මට මගේ ජිවිතයේ වැදගත්ම කාල පරිච්චේදය රුසියාව තුල ගත කරපු කාලයයි.

වැඩිදුර කියවීම්: http://www.news.com.au/money/money-matters/is-vladimir-putin-the-richest-man-on-earth/story-e6frfmd9-1226727457378

වැඩි දුර සවන් දීම්:

https://www.youtube.com/watch?v=ae5nt9pB3gM

Advertisements

23 Comments

Filed under Education, Opinion

23 responses to “ප්‍රණීත මී පැණි ගෙන ආවත්!

  1. නයි නම් මොනාද රයිගම.. අදහස් නෙව වටින්නේ.. සංචාරක සටහන්/විදේශ අද්දැකීම් බෙදාහදා ගැනීමේ වැරැද්ද මොකක්ද …? එහෙමත් කෙනෙකුටනේ ගමේ හංදියෙන් එහාට හරි යන්න ලැබුණේ…

    රුසියානු අද්දැකීම් ටිකක් ලියන්නකෝ බ්ලොග් එකේ.. මේකට සෙට් වෙන හැමෝම ඉන්නේ එකම ටේස්ට් එකේ උදවිය.. ඒ නිසා නැගලා යාවි.. ( ඒක නෙවේ ඔබේත් මගේත් හමුවීම මතක් උනා .. 😀 )

    • මන් කිව්වේ පළමු හමුවීම් කීපය ගැන 😀

      • මෙයට අතීතයේදී ප්‍රතිචාර එක දෙකක් දමපු ගොඩක් දෙනා, ආයේ පැත්ත පළාතේ ආවේ නැහැ. මොකද මා ලියන දේවල් “දිරවන්නේ” නැති නිසා වෙන්න ඇති. මෙය ලිවීමේදී සාමාන්‍ය අපට කියවන්න පුළුවන් අයුරින් ලියන්න උත්සහ කලත්, තව දෙයක් මා බාලාපොරොත්තු වෙනවා.

        ඔබ දන්නෙත් නැතුව ඇති, ගුවන් විදුලිය අද තරම් හෝදා පාලු වෙලා ගොස් නැති කාලේ, වෙළඳ සේවයේ තිබුන අසන්නන්ගේ ඉල්ලීම් වලට ඔය පර්ල් අයිරින් ලා, හේමාවෝ මහේශ්වරිලා ඉල්ලුවේ එකම සින්දු ටික. ඔය අතරතුරේ තිබුනා, සම්පාදක තෝරයි කියල වැඩ සටහනකුත්. හරියටම මතක නැහැ වෙළඳ ද ස්වදේශීය සේවයද කියා. එහි එක සම්පාදක කෙනෙක් හිටියා නියමෙට ගීත තෝරන. හැබැයි ඉතිං බෝයගනේ පර්ල් අයිරින්ලට නම් වහ කදුරු වගේ තියෙන්න ඇති! 😀

        • ගම්පහ පද්මාවෝ මහේෂ්වරී හේරත් සහ රේඛාවෝ ඊශ්වරී හේරත්…තව හිටිය මෝදර එළිහවුස් කඳවුරේ ගාමා ගාමිණී සුබසිංහ… 🙂

          • ගාමා ගාමිනි සුභසිංහ මෑතකදී මියගිය බව පත්තරේක දැක්කා රවී.

          • ඔන්න මගේ මතකය කොටු කොටු වලින් සේදිලා ගිහිල්ල. මේ ඉන්නේ නියම මතකය තියන මිනිසුන්. ස්තුතියි රවී! 🙂

            • කාලය ගෙවී ගිහින් තියන තරම්! කනගාටුදායකයි ආරංචියට! 😦

            • ගාමා ගාමිණී නම් හොඳට මතකයි අදටත් රයිගම & රවී .. මට දැන් නිතර ස්වදේශීය ඇහෙන්නේ නැහැ .. ඒත් මම අදටත් මීටරේ අල්ලන්නේ SLBC තමයි… මේ 2013 ත් පරණ ටේස්ට් එකමයි… මට දැන් වෙලාවක් නැහැ අහන්න …

        • ඔබ දන්නෙත් නැතුව ඇති, ගුවන් විදුලිය අද තරම් හෝදා පාලු වෙලා ගොස් නැති කාලේ, \\\\

          හෙහ් සහන් කියන්නෙත් AM මීටරේ අල්ලපු කෙනෙක් රයිගම …

  2. ප්‍රණීත මී පැණි ගෙන ආවත් විස ඇත බඹර තුඩේ
    උදා එළිය පුබුදා සිය නෙත් පිබිදෙයි නෙලුම් මඩේ

    පිපෙන පිපෙන හැම මල් නෙලුවත් ගස මල් පුබුදනවා
    ගලන සියළු රළ කරදියරේ ගඟ රැලි නංවනවා

    රයිගම්…..මේ ලිපියයි උඹ අදාල කරපු ගීතයයි පුදුම සම්බන්ධයක් තියෙනවා කියලා මට හිතෙනවා. ජීවිතයේ සමහරක් සිදුවීම් ගීතයත් එක්ක බද්ධ කරලා අතීතයට යන්න පුලුවන්. සාංකාවක් වගේ දැණුනා.

    ප.ලි……ප්‍රේමකීර්ති කොහොම මෙච්චර ලස්සනට වචන එකතු කරාද මන්දා…….ඒ ගතකරපු කටුකත්වයත් එක්ක.

    • මානසික පීඩනයම තමයි මිහිරි වචන විදිහට එළියට එන්නේ අරූ…

      • @ සහන්…..ඒකනම් ඇත්ත…….

        • Kenji @ Japan

          >>මානසික පීඩනයම තමයි මිහිරි වචන විදිහට එළියට එන්නේ අරූ…<<
          එළකිරි වචන ටික.

          • ඔහොම මානසික පීඩන වලට විතරක් මිහිරි වචන එලියට එනවා නම් මේ ලෝකේ ගුරුළු ගෝමින් ලාගෙන් වැහි වැහලා! 😀

            මචං උඹට තේරුනා. මුළු ගීතයම ලියුවා නම් තවත් අගෙයි. මා කැමතිම සිංහල ගීත රචකයන් හතර දෙනෙක් ඉන්නවා (සමහරු මිය ගිහින්). කරුණාරත්න අබේසේකර, ප්‍රේමකිර්ති, සුනිල් ආරියරත්න හා කේ ඩී කේ. මොවුන් ලියපු ගීත ඇහුවොත්, ඒ ඇයි කියා තේරුම් යයි.

            ගීතයක් මචං ඔය තරම් අපගේ සිත් ගන්න අයුරින් ලියන්න ඔවුනගේ භාෂාව හේතු වුනා කියල සිතෙන්නේ නැත්ද? මී පැණි ප්‍රනිතයි කියා අප කවුරුත් දන්නවා. නමුත් දෙක එකතු කරන්න හිතෙන්නේ නැහැ. තව විටක හිතන්න පුළුවන්, බඹරුන්ට කොහෙද මී පැණි කියා. අනික පැණි ගේන්නේ විස තියන තුඩෙනුත් නොවේ. හැබැයි මේ එකක්වත් වැදගත් නැහැ. ඒවා අපගේ කලපනාවට නොඑන පරිදි අපූරුවට එය ලියා තිබෙනවා.

            එහෙම ගීත ලියන්න, ඒවා රස විඳින්න පුළුවන් පිරිසකුත් ඉන්න ඕනේ. හැබැයි මේ ජාලයේ කරක් ගහන ටින් ටින් ලා, එහෙම භාෂාවක් දන්නේ නැහැ. ” රිය පෙළ සිඳලයි කොපුල පාන්නේ කියල” ලියල තියනවා කොහේ හරි මා දැක්කා. කොහෙද මචං මේ රිය පෙළ තියෙන්නේ? දේශපාලකයෙකුගේ රිය පෙලක්ද? රිය පෙළක් සිඳින්න නම්, යෝධයෙක් මුගුරක් අරන් එන්න ඕනේ. “මම මේ ගඟුලේ, නගුලේ නැගලා එගොඩ මෙගොඩ යනවා” කියල ගයනවා. යකඩෝ, කුඹුරු හාන හරක් වත් නගුල් ඇදගෙන යනවා මිසක්, ඒවායේ නගින්න එන්නේ නැහැ.

  3. රුසියානු ගණිකාවො මෙහෙ ජනප්‍රියයි.. මුල්න්ම මට ඇහුන විදෙස් ගණිකාවො ජාතිය රුසියන් ගණිකාවො. එයාල ලස්සන නිසාද නැත්නම් එයාලගේ හමේ තියෙන කහ පැහය නිසාද දන්න නැහැ එච්චරම ජනප්‍රිය වුනේ..
    සමහර විට ගණිකාවක් විසාල මුදලකට ගන්න පුලුවන් තරම් ධනයක් තියෙන පිරිස රුසියන් රටේ ඉගෙන ගෙන හෝ ඒ සාහිත්‍යයට ආසා කරපු නිසා එහෙ ගණිකාවන්ට මෙහෙ තැනක් තියෙනවාද දන්නෙ නැහැ..

    • අමිල…….රුසියන් ගනිකාවෝ 1990 දශකයේ මැද වෙනකොට ඩුබායි වල වසංගතයක් වගේ තිබුනා. අවට ගල්ෆ් රටවල් වලින් ඩුබායිවලට පුදුම විදිහට මිනිස්සු ආවා වැඩේ කරගෙන යන්න. අනිත් ගල්ෆ් රටවල් වල වියදම් කරනවට වඩා අඩුවෙන් ඩුබායි මාකට් එකේ වැඩේ ලාභයි, පහසුයි උනා. ඩුබායි පොලිසියත් ඇස් වහගෙන හිටියා.

      දෙපැත්තකින් ඩුබායි වලට වාසි උනා.

      1)රුසියන් කෙල්ලෝ අම්බානකට ආවා සංචාරකයෝ වගේ මේකටම. උන් හම්බකරන හැම ඩිරාම් එකකින්ම ඩුබයි වල ශොපින් කරා. ඒ රුසියාවලට ගිහින් වැඩි මිලට විකුනන්න.

      2)කෙලින්ම කියනවානම් ජිගිජිගියට ආවා ඊටත් වඩා සංචාරකයින් වෙනත් රටවල් වලින්.ඩුබායිවල රුසියන් කෙල්ලෝ විකුනුනේ ලාබෙට. මොකද ඉක්මන් සල්ලි…..ශොපින් පාරක් දානවා….ආපහු රුසියාවට ගියා. බඩු ටික විකුනුවා….සල්ලි ඩබල්…..ආපහු ආවා……ලාබෙට ජිගි ජිගි….ඕක තමයි සර්කල් එක සිද්ධ උනේ.

      රජතුමාට ඕනනම් මාව ගත්තැහැකි බඩු උපදේශක කරලා ලංකාවට.

      • Kenji @ Japan

        අරූ,රජ තුමාට ඒ ගැන උපදෙස් කාගෙන්වත් ගන්න අවශ්‍ය නැහැ මම හිතන්නෙ.

    • අමිල, ලිංගික සේවා සපයන රුසියානු ලඳුන් ගැන, ලියන්න ඔය අරූලටම ඉඩ හරින්නම්. Beauty is a subjective value කියල මා කලිනුත් ලියුවානේ. හැබැයි රුසියානු ළඳුන්ට විතරක් එය අදාළ නැහැ. ඔවුන් සියල්ලන්ම, සියලු දෙනාට සුන්දරයි. 🙂

      • මාත් හිතනවා කෙන්ජි, කියන්න වගේ, ඔබට අරූ රජතුමාගෙන් උපදෙස් ගන්න පුළුවන් වෙයි!

  4. මම මේ ඉල්ලීම කලිනුත් කලා රයිගම්ට මතක ඇති. මමත් කැමතියි ඒ කාලය ගැන දැන ගන්න. ඒ විතරක් නෙවෙයි. උඹ දැන් ඉන්න තැනත් දැනට නොතේරුනත් ඔය අව්ගේ තමයි. මම කැමති සාමාන්‍ය එදිනෙදා අත්දැකීම දැන ගන්න.

  5. Kenji @ Japan

    ඇත්තටම රයිගම රුසියාවෙ අත්දැකීම් ටිකක් ලිව්වොත් නරකද…?

    • මචං හෙන්රි, අසන්නන්ගේ ඉල්ලීම් පහලට යනවා, වෙලාවේ හැටියට. මේවා කියවන්නෙ උඹල වගේ ටික දෙනෙක් නිසාත්, ඉල්ලීමක් අහක දාන්න බැරි නිසාත්, ඉඩ ලැබෙන පරිදි බලමු. හැබැයි ඉතින් ඔය කතා වලට කොටු කොටු දාන්න වෙයිද (විහිළු).

    • කෙන්ජි, මේක සෙල්ෆ් මැනේජ් බ්ලොග් එකක් කරන්න පුළුවන් නම් හරි! 🙂

ඔබගේ අදහස එකතු කරන්න!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s