වසන්තයේ අග හමුවෙමු?


IMG_1808 (2)

උදේ එළියට  බැහැල නිකම් වටපිට බලබලා ඉන්න කොට, දිනපතාම (පාහේ නොවේ දිනපතාම) අපේ ගෙදර ඉස්සරහින්, කුඩා බල්ලෙකුත් එක්ක ඇවිදින්නට යන සුද්ද නතරවී මට කියුවේ “කල්පනා කරලා විතරක් හරියන්නේ නැහැ, වැඩෙත්  කරන්න ඕනේ” කියායි. එයාගේ වයස අවුරුදු අසූවක් හෝ එයිටත් වැඩි ඇති.

මා එළියේ හිටියොත් පාස් කරන ගමන් වචනයක් කියාගෙන යන්න ඔහු අමතක කරන්නේ නැහැ. ඔහු වයස වුවත්, නිරෝගී යයි පෙනෙන, ප්‍රියමනාප කෙනෙක්. මට ඔය කරන්න කියුවේ, නේචර් ස්ට්‍රිප් එක කපන එක. එයා හිතුවේ මා කල්පනා කරන්නේ, to cut or not to cut කියලයි කියායි. මා ඇත්තටම එහෙම දෙයක් ගැන නොවේ කල්පනා කෙරුවේ. හැබැයි that is the question.

අපට කවුද ඕවා කපල දෙන්නේ? මා සුද්දට කියුවේ, ඔව් ඒකත්  කරන්න නම් ඕනේ තමයි කියායි. ඔහු නතරවී රස්නේ දවස්වල වහින කොට තණකොළ වැවීම නතර කරන්න බැරි වග කියුවා. උඹව නම් මා හැමදාම දකිනවා කියල කියුවහම එයා සිනහා වෙලා  කියුවේ, එය තමයි මා ජිවත් කරන්නේ කියල.

ඔහුව මා දිනපතා දකිනවා කියුවේ බොරුවට නොවේ, සතියේ දිනවල අප ගෙදරින් එලියට බහින කොට ඔහු පාරේ අනෙක් පැත්තේ යනවා. ඒ රවුමක් ගිහින් අපේ ගෙදර ඉස්සරහින් යන ගමන තමා අද ටිකක් දවල් වී මේ දුටුවේ.

ගොඩක් වෙලාවට ඔහු මේ ගමනම හවසත් යනවා. මා ජිවත් කරන්නේ මේ ගමන කියුවේ එකේ ලොකු අර්ථයක් තියනවා.

මිනිසාගේ සාමාන්‍ය ආයු කාලය අද වන විට වෙන කවරදාටත් වඩා ඉහලයි කියන එක රහසක් නොවේනේ. මේ ගැන මා කලින් විස්තර ඇතුව ලියා ඇති. ඊයේ පෙරේදා කියවුන පරිදි, ඕස්ට්‍රේලියානුවන් ලෝකයේ වැඩියෙන්ම ආයු වළඳන කාණ්ඩයට වැටෙනවා. මෙතැනදී වෙනත් එත්නික් කාණ්ඩ අතර පොඩි පොඩි විෂමතා තියනවා.

එයිනුත් පළමු වාසින් ලෙස හඳුන්වන ඇබොරිජිනල් ඕස්ට්‍රේලියානුවන් හා සාමාන්‍ය ඕස්ට්‍රේලියානුවන් අතර තියන පරමායුශේ පරතරය* තමා වැඩිපුර කතා බහට ලක්වන්නේ. මෙය අඩු කරන්නේ කොහොමද, එයට හේතු වී ඇති කරුණු ඉවත් කරන්නේ කොහොමද කියන දේවල් නිතරම කතා බහට නම් ලක් වෙනවා.

මෙහිදී ඔවුන් නූතන  අධ්‍යාපන හා සෞඛ්‍යය පහසුකම් වලට නිරාවරණය නොවීමට අමතරව, ඒ හා බැඳුනු ඔවුනගේ ජිවන විලාසිතාවන්ද හේතු වන බව සඳහන්. මේ කියන්නේ ඔවුන්ගේ සාම්ප්‍රදායික  ජිවන විලාසිතාවන් නොවේ, අලුත් ශිෂ්ටාචාරයෙන් උකහා ගත්තු අපත විලාසිතාවන්.

පාස්ට් ෆුඩ් කෑම, ව්‍යායාම් නොකිරීම, දුම් හා මත්පැන්, මත්ද්‍රව්‍ය, පෙට්රෝල් යනාදිය ගැහීම වගේ දේවල් හා ඔවුනගේ ප්‍රවේණික ලක්ෂණ වල කලවමකින් මේ තත්වය දරුණු කර තිබෙන වග කියවන්නට ලැබෙනවා.

දැන් මේ වගේ සමාජමය ප්‍රශ්න වලට කොතරම් වැටකඩොලු දමන්නට අවශ්‍යද? ඒ සඳහා ඔවුනගේ ඉල්ලුමක් නැත්නම්, බාහිර සමාජයේ මැදිහත් වීම අනුමත කරන්න හැකිද? වගේ ප්‍රශ්න ගැන මා අද ලියන්නේ නැහැ.

ඒ වෙනුවට අර ඇවිදින්නට යන සුදු මිනිහගේ කතාවට යලි ගියොත්,  වැඩි කාලයක් ජිවත් වීම හා වැඩි කාලයක් නිරෝගීව ජිවත් වීම යනු දෙකක්. සමහර සමාජ විශාල අර්බුද වලට යමින් තියෙන්නෙත් මෙන්න මේ නිසා.

මා  හිතන්නේ ඕස්ට්‍රේලියානු මහා බැංකු අධිපති ග්ලෙන්  පෙරේදා කියුව පරිදි, ඉදිරි වසට 7-8 තුල ඉන්දියාවේ ඉන්න වැඩකරන වයසේ ජනගහනය, චීනයේ එම ජනගහනය අභිබවා යනවා. චීනයේ වන්  චයිල්ඩ් පොලිසි එක වෙනස් කිරීමට එක හේතුවක් ලෙස දක්වා තිබුනෙත්, තරුණ ජනගහනයට වඩා වැඩ නොකරන වැඩිහිටි ජනගහනය වැඩි වීම.

මේවා ග්ලෝබල් පුරස්න. ඒවාට විසඳුම කල්පනා කිරීම පැත්තක තිබ්බොත්, අපේ දිවියේ ඇතිකර ගන්න හැකි වෙනස්කම් මොනවාද? වැඩි කාලයක් ජිවත් වීමට අමතරව, වැඩි කාලයක් ක්‍රියාශීලි දිවියක් ගත කරන්නට ගන්න පුළුවන්  දේවල් අප කරනවද? ඕවා කල්පනා කිරීම මා ඔබටම පවරන්නම්.

*Aboriginal health standards in Australia are now so low that almost half of Aboriginal men and over a third of women die before they turn 45.

Aboriginal life expectancy is more than 10 years below that of the average non-Aboriginal Australian.

ඡායාරූපය  මා ගත්තකි.

Advertisements

10 Comments

Filed under Lifestyle, Opinion

10 responses to “වසන්තයේ අග හමුවෙමු?

  1. niroucsc

    // to cut or not to cut //
    මම මේ කල්පනා කරන්නේ බැක් යාඩ් එකේ වල් පැල වලට selective වීඩ් කිලර් එකක් දාන්නද නැත්නම් වීඩ් ස්ටික් එකකින් එකින් එක ගලවන්නද කියලා. මොකක්ද රයිගම්ගේ රෙකමඩේෂන් එක?

    • නිරෝෂි හොඳ වෙලාවට අපේ අල්ලපු වත්තේ හිටියේ නැත්තේ. 😉

      ග්ලයිපොසෙට් දැන් පිළිකා කාරකයක් වෙන්නහැකි වග කියනවා. එය නම් තෝරා නසන එකක් නොවේ. තෝරා නසන ඩයිමෙතිල්ඇමින් ලවණ යක් වගේ එකකින් පළල් පත්‍ර එව්වා මරා දමන්න හැකියි.

      මා කියන්නේ හොඳ උදේ හෝ හවස් වරුවක් බලල, එකින් එක ගලවන්න.

  2. Pingback: වසන්තයේ අග හමුවෙමු? | සතුටු වැස්ස බ්ලොග් කියවනය

  3. සිංදුව ඇහුවට පස්සේ දාන්ට ආපු, කමෙන්ට් එක අමතක වෙලා ගියා.

    මාර රොමැන්ටික් නේ? 😛

    ‘සුන්දරත්වයෙන් පිරි සොඳුරු….’ ඊලඟ ටික මොකක්ද? ‘සොඳුරු මසී’ ??? 😀

    • කල් බලා සිටින්නේ ඔබ දැක ගන්නයි!
      //සිංදුව ඇහුවට පස්සේ දාන්ට ආපු, කමෙන්ට් එක අමතක වෙලා ගියා.//
      මටත් ඔහොම වෙනවා. දැන් ප්‍රවීනා පැනඩෝල් නම් ඉවරයි, ඊළඟට තියෙන්නේ නියුරෆන් තමා! 🙂

      ප්‍රවීනා මෙන්න ඔබට පද සමග මුල් වර්ෂන් එක. ගීතය ලියා තියෙන්නේ සුන්දරත්වයෙන් සපිරි මිනිසෙකු වූ ප්‍රේමකීර්ති. අසුන්දර මිනිසුන් විසින් සුන්දර මිනිසුන් පරලොව යැවු කාලයක, ඔහුව අකාලයේ මෙලොවින් තුරන් කෙරුවා. සංගීතය වික්ටර් රත්නායක.

      (හොඳට අහන්න මේකේ තියෙන්නේ //කල් බලා හිඳින්නේ ඔබ ලැබ ගන්නයි!// නේද? එතකොට දැක ගන්නයි කියා එය වෙනස් වුනේ කවදාද? කොහොමද?
      මා හිතන්නේ ලැබ ගන්න කියන එක කරන්න බැරි වග දැනගත්තට පස්සේ, මිල්ටන් දැක ගන්නට විතරක් කැමති වෙන්න ඇති.

      ඔය යහපාලනය වගේ තමා. හොඳම එක ලැබෙන්නේ නැත්නම්, අඩු වර්ෂන් එකෙන් සැනසීම, ජීවිතය පුරාම දුක් විඳිනවට වඩා හොඳ දෙයක් නේද?)
      සොඳුරු මසී නොවේ ප්‍රවීනා, සොඳුරු ම සි-හි-නේ! 🙂

  4. //ඕවා කල්පනා කිරීම මා ඔබටම පවරන්නම්.//

    මාර කෙලියක්නේ
    කල්පනා කරන ජොබ් එකත් අපිට පවරල ඔබතුමා මොකද කරන්න යන්නෙ? තණකොල කපනවද?

    • ඇත්තටම තණකොළත් කැපුවා අර කතාවෙන් පස්සේ. දැන් ඔබතුමාලට හිතන්න යමක් ඉතුරු කරන එක හොඳ දෙයක් නොවේද? 🙂

  5. ගීතය ඇහුවම මට හිතුනේ මේ ගීතය මෙතන කියන්න

    ඔබ නැති මේ රැයට පුරසද එළිය කුමටද…
    ඔබ නැති මේ බිමට නළමුදු සුවඳ කුමටද…

    මහ කනදරා වැවට සඳ වැටිලා
    දියේ ගිලේය විකල්වී…
    තුරු හිස හාදු දිදී උන් කිරලුන්
    කොහේ ගිහින්ද ඉගිල්ලී…

    හමුවී ඇසට ඇසක් නැගූ පහන්
    නිවී ගියාද නො කල්හී…
    සුන්දර රාත්‍රියම මවිත සිතින්
    බලා හිදීවි නොසෙල් වී..

ඔබගේ අදහස එකතු කරන්න!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s