අලිගැට පේර කන්නේ මොනවා එක්කද?


ලංකාවේ අපේ ගෙදර ඉස්සරහ හිටවා තිබුණු රඹුටන් ගස කැපුවා කියා අම්ම කියුවේ ගිය සතියේ. මට කණගාටුවක් නම් ඇතිවුණේ  නැහැ. හැබැයි ඒ රඹුටන් ගහ අපේ ජිවිතයේ එක අවධියක් සංකේතවත් කරන්නක්.

අපේ පවුලේ මා තරම් ගස් නැගපු  කෙනෙක්, අනෙක් අය  අතර සිටියේ නැහැ. මට මතකයි පොඩි කාලේ දිනක් ඔය රඹුටන් ගහෙ නැගල, හතර වරක් චක්කරේ පාඩම් කරමින් ඉන්න විට, එතනින් ගිය අපේ බාප්පගේ දුව, එනම් මගේ නංගි, හයියෝ තවම හතරවරක් ද කියා මගෙන් ඇහුවා. මේ මා අර වෙනස් ගුරුතුමියක් හමු වුන පංතියේ ඉන්න විට.

මා ලැජ්ජාවට බොරුවක් කියුව, මේ කරන්නේ පුනරීක්ෂන කියා. එයා හිටියේ මටත් පහළ  පංතියක. ඒ දවස් වල ඒ රඹුටන් ගහ විශාල එකක් නොවේ. අපගේ වැඩීමත් එක්ක රඹුටන් ගහත් ලොකු වූවා. එය බද්ධ කරපු ගහක් වුවත්, දැවැන්තව වැඩුනා. එම රඹුටන් හරිම ප්‍රණීතයි. ඇටයෙන් මස් පහසුවෙන් ගැලවෙනවා. ඉදුණු විට කහ පාටයි. ගෙඩිය විශාලයි. හොඳට ඉදුණු විට ඇතුලේ පැණි වගේ තියනවා.

විශාලව වැඩුනත්, මා ගහට නගින එක අත  හැරියේ  නැහැ. ගොඩක් උස ගිය විට මෙයට නගින එක තරමක් අසීරු කාර්යයක් වූවා. එයට අල්ලපු ගහ වුණේ  පිණි  ජම්බු ගහක්. මේ වගේ ජම්බු මා වෙන කිසිම තැනක් දැක නැහැ. සුදු පැහැති ව විශාලව හැදෙන මේ ජම්බු ගහත් මා අරක් ගත්තු එකක්.

එම ජම්බු ගහ අසල තාත්තා ගෙනත් හිටවපු, බද්ධ කරපු කර්තකොලම්බන් අඹ ගහක් තිබුණා. මෙහි හැදුන ගෙඩි සියල්ලම පාහේ පණුවන් විසින් කා දමපු නිසා අපට කන්න ලැබුනේ ටිකයි. මේ ගස් විතරක් නොවේ කොස් ගස් පවා මා බඩ  ගෑවා. අපට විශාල ලොවි ගහකුත් පිළිකන්නේ තිබුනා. මේ ගස් වල බඩ  ගාන  එක ඒ දිනවල මගේ සිරිතක්. සමහරවිට මා හෝමෝ ඉරෙක්ටස්ටත් පහල ඉන්න ඇති.

කුඩා කාලයේ පළතුරු  කියා අප කිසිම දෙයක් කඩෙන් ගෙනාව  කියා මට මතකයට එන්නේ නැහැ. අපේ ගෙවත්තේ තිබුණු පළතුරු  ගස් වල ලැයිස්තුවක් හැදුවොත්; පේර, නාරන්, යකි නාරන්, අඹ, අන්නාසි, ඇඹරැල්ල, ජම්බු, බිලින්, වරක, වැල, ගස්ලබු, කෙසෙල් වර්ග, නමිනන්, ආත්ත, ලාවුළු, ලොවි, කටු ලොවි, පැෂන් පෘට් ආදිය මට මතක් වන ඒවායි.

එයිට අමතරව ගස් තිබුණත්  ගෙඩි නොහැදුන  පළතුරු  වර්ගයකුත් තිබුණා. එම පළතුර පවා  අප කඩෙන් ගෙනාපුවා නොවේ. අපේ අම්මලාගේ ගමේ ගිය විට, මේවා අපට ලැබුණා. එදා ඒවා එතරම්ම මා  ප්‍රිය කළා කියා කියන්න මට මතකයට එන්නේ නැහැ.

මේ ගස් කිහිපයක් තිබුණත් එකක වත් මලක් වත් හට ගත්තේ  නැහැ. මට මතකයි සමහර ගස් වල ප්ලෝයමය ටිකක් අයින් කරපු වග. කොහොම නමුත් අපේ වත්තේ හැදුන  අලිගැට පේර  නම් අප කෑවේ  නැහැ.

ඕස්ට්‍රේලියාවේ අලිගැට පේර  වැඩිපුර භාවිතා කරන්නේ සලාද හෝ සැන්ඩ්විච් වල සංගටකයක්  ලෙස. මා ආසම  කරන පළතුර  මොකක්ද කියා ඇහුවොත් නිසඟයෙන්ම මගේ මතකයට එන්නේ අලිගැට පේර. හැබැයි නිකම් නොවේ. අලිගැට පේර  පැණිත්  එක්ක කන්න තමා ,  මා කැමතිම. නැත්නම් රට ඉඳි එක්ක. නැත්නම් කජු හා සීනි  සමග.

මේ සතියේ දවල් කෑමෙන් පස්සේ අලිගැට පේර  ගෙඩියක් දෙකට කපා, ඇටය අයින් කර, පලු දෙකටම සීනි  පුරවා කන විට, මට දෙපස සිටිය දෙන්නගේ ප්‍රතිචාර ඔබටත් වැදගත් වේවි. ඒ දෙන්නටම මගේ තේරීම ටිකක් “බඩ  දඟලන” එකක් වුණා.

එක  පසකින් හිටියේ ජපන් තරුණයෙක්. ඔවුන් මේවා කනවා කියුවේ සෝයි සෝස් එක්ක. එවේලේම  මා, ඔහු කමින් හිටිය සෝයි සෝස් ටිකක්  මගේ අලිගැට පේර  එක්ක කා බැලුවා. නරක නැහැ. අනික් පසින් සිටියේ ඉන්දියානු යුවතියක්. එයාල කනවා කියුවේ, ලුණු, දෙහි හා ගම්මිරිස් එක්ක. මේ  සංයෝජනය මා අත්හදා බැලුවේ නැහැ. එය ඕස්ට්‍රේලියානු භාවිතයට සමීපයි.

මා නම් පැණිත්  එක්ක අලිගැට පේර  කන එක, අර වට්ටෝරු වලින් විස්ථාපනය කරන එකක් නැහැ.

මෙන්න අර ගස් වල නැගපු  කාලේ අපට ඇහුණු  ජනප්‍රිය ගීතයක්.

මෙය ඔබට අහන්න මෙතැනට  යන්න වේවි

Advertisements

41 Comments

Filed under Food, Opinion

41 responses to “අලිගැට පේර කන්නේ මොනවා එක්කද?

  1. Pingback: අලිගැට පේර කන්නේ මොනවා එක්කද? | සතුටු වැස්ස බ්ලොග් කියවනය

  2. /* අලිගැට පේර කන්නේ මොනවා එක්කද? */

    අලින්ගෙන් ම තමයි අහන්න ඕනෑ උං මොකට ඔය පේර ගැට කනවද කියලා පැහෙන කල් තියන්නේ නැතුව!

    ඇවකාඩෝ නම් මං කන්න කැමති සීනි එක්කයි. හොඳට ඉඳුනාම නං නිකං වුනත් කන්න හැකියි.

  3. අපවති අතීතයට ගෙනයමින් සිහිපත් කර දුන් ලස්සන ගීයක්

  4. බත් කනකොට අලිපේර කෑල්ලක් අනාගෙන හෝ හපාගෙන කන්න ආසයි. මම බොහොමයක් පලතුරු බත් එක්ක අනාගෙන හෝ සයිඩ් එකෙන් තියාගෙන කන්න කැමතියි ගස්ලබු හැර. ග්‍රේප්ස් ඇන්ඩ් රයිස්/කරි ඉන් වඩාත්ම කැමතියි. ගෙදර බත් කන වෙලාවට ඔය මොකක් හරි ලැබෙනවා.

    අලිපේර මූනේ අතුල්ලගෙන ඉන්න වෙලාවට නම් දැක්කමත් මල පනිනවා. අපිට මල්වානත් එක්ක කිට්ටු සම්බන්ධයක් තිබුනා. නොකාපු රඹුටමක් නැහැ ඒ කාලේ. පිනිජම්බු මගේ ෆේවරිට් ඉස්සර …. ඒ කාලේ මතක් වෙනකොටත් ජම්බු ජම්බු වගේ කතා මතක් වෙනවා…දෙන්නම් අද ජම්බු.!

    තෙරේ මේරේ මිලනකි….අභිමාන් මම තුන් පාරක් බලලා තියෙනවා. ජම්බුම තමයි.
    ඔය වීඩියෝ ක්ලිප් එකේ ඉන්නේ ධර්මදාස-ලතා වල්පොලගේ බාලම පුතා හා වයිෆ් නේද?

  5. දිවුල් නම් ඔය කියන කට්ටිය කනවා කියා මා අසා තියනවා. එයාල රටත් කෑව කියල කියනවා නේද?

    මොකද පොස් එකටඇවකාඩෝ කියන්නේ, අලිගැට පේර කියන්න දිව නැවෙන්නේ නැත්ද? 😀 එව්ව නම් මා කන්න කැමති කුතුල් පැණි (යන වෙළඳ නාමයෙන් එන) සමග.

  6. ම්ම්ම්ම්….. හේඒඒඒ….ම්! 🙂

  7. //අලිපේර මූනේ අතුල්ලගෙන ඉන්න වෙලාවට නම් දැක්කමත් මල පනිනවා.// පැණි ඕනි වෙන්නේ මෙහෙම වෙලාවට තමා මචෝ! 😀

    ඔව් මේ චමින්ද (වල්පොලලගේ බාලම පුතා) හා එයාගේ බිරිඳ!

  8. මැන්ගුස් හා අන්නාසි තිබුණේ නැද්ද? මා කුඩාම කාලයේ සිටි (මගේ මවගේ මහගෙදර වූ) ගෙදර වත්තේත් ඔය ලිස්ට් එකේ පළතුරු සියල්ලම වගේ තිබුණා. කටුලොවි වලට අප කීවේ උගුරැස්ස කියා. ඒ වගේම ඔබේ නිවසේ පරිදිම ගෙඩි නොහැදුණු අලිගැටපේර ගස් දෙකක් හෝ තුනකුත්, එවැනිම ගෙඩි නොහැදුණු සැපදිල්ලා ගහකුත් තිබුණා. තව ඇඹුල් පේර, දම්, බෝවිටියා වගේ ඉබේ වැවුණු ‘දේශීය’ පළතුරු වර්ගත් තිබුණා. ඒ දවස් වල අප ආ ගිය වෙනත් ගෙවල් වලත් අඩු වැඩි ලෙස මෙවැනි පළතුරු වර්ග රැසක් තිබුණා. මම දැන් බොහෝ විට අලිගැටපේර කන්නේ කිසිවක් එකතු නොකර. සමහර වෙලාවට කොෆී ක්‍රීමර් එකකින් පොඩ්ඩක් එකතු කරනවා. එය වෙන කවුරුවත් කරන දෙයක්ද කියලා මම දන්නේ නැහැ.

  9. කාලෙකට පෙර උගුරැස්ස -governor’s plum කියලා බ්ලොග් එකක් තිබුනා. ඒකේ හෙඩර් එකේ මෙහෙම තිබුනේ.

    “උගුරැස්ස Local උනාට Governor’s Plum කිව්වහම ටිකක් Posh වගේ.පොඩි කාලේ ආච්චිලගේ ගෙදර ගිහින් ගහට නැගල මුලින්ම උගුරැස්ස කාපු හැටි මතක් වෙනව.තලලා කාපුවහම තමයි උගුරැස්ස රස වැඩි. ඒ රහට මම තවමත් ආදරෙයි.ගෝනියක් දුන්නොත් ගෝනියම කනවා.ඔය ගොල්ලන්ට ගන්න දෙයක් තිබ්බොත් තමන්ට ඕනි විදියට තලලා කටේ දා ගන්න.ආයේ හෝදන්න දෙයක් නැහැ,හොදට හෝදලා තියෙන්නෙ.උගුරැස්සවල රස දැනේවි. වෙරළු ගෙඩිය හත් අතකට කපාගෙන කාපු අපිට උගුරැස්ස ගෙඩියක් බෙදාගන්න බැරිකමක් නැහැනි.ඒ නිසා අදහස් යෝජනා බෙදා හදා ගමු.”

  10. උඹල අලි පේර කෑවාම අලි කන්නෙ මොනවද?

    අපි කන්නෙ සීනි සහ කිරිපිටි එක්ක. කාල බලාපං. උඹ කිව්ව රෙසිපිත් අත්හදා බලන්න ඕනෙ

  11. tharushi m

    අයියෝ තාම හතරවරක් චක්කරේද…..😛

    අලිගැට පේර කන්න හොදම දේ සිනියි පිටියි… පුදුම රසක්

  12. //////පැණි ඕනි වෙන්නේ මෙහෙම වෙලාවට තමා මචෝ//////

    මූණේ අතුල්ලලා තියෙන ටික කන්නද 😀

  13. එපා කියාවිද? 😀

  14. අලින්ට කන්න මුළු රටම තියනවනේ මචෝ!

    මචෝ අපේ කිරිපිටි එන්නේ කිලෝ දෙකේ හෝ පහේ පැකට්ටු වල. කිරිපිටි පැකට්ටුවක් ගත්තොත් කරන්න දෙයක් නැතිව යනවා.

  15. ඒ ගුරුතුමිය නිසා මා වෙනස් වූවා. හරිම සැරයි. එත් මා රිමාකබල් විදිහට පන්තියේ වැඩ වලින් උඩට ආව තරුෂි. 🙂

    //අලිගැට පේර කන්න හොදම දේ සිනියි පිටියි… පුදුම රසක්න්// මේ වැඩේ ස්ටෑන්ඩර්ඩ් ප්‍රැක්ටිස් එකක් වගේ හෙන්රියත් ඔය කියා තියෙන්නේ. අපේ ගෙදර තියෙන්නේ නෙස්ටොමෝල්ට් පමණයි. කිරි ලෙස අප ගන්නේ පස්චරිකෘත එව්වා.

  16. ඔබල දෙන්නගේ කොමෙන්ටුවට ඉතා දිග පිළිතුර කළු කුහරයක සැඟවී ගියා. දැන් එය ඒ විදිහටම යලි ලියන්න බැහැ නේ.

    ඉන්න මා පසුව යලිත් උත්සහ කර බලන්නම්! 🙂

  17. tharushi m

    නෙස්ටමොල්ට් නම් ඒකට නොගැලපේවි……

  18. මම අලිගැට පේර කන්නේ මී පැණි එක්ක!
    ආසම පලතුරක් නම් නෙවෙයි…
    නං නං, ලොවි, නිල් අඹ, වෙරළු, රාස්ප්බෙරි, රුබාර්බ්, ලෝකැට්, මැන්ගුස්, වැල් දොඩම්, බිලිං, නාරං/මැන්ඩරින් … ම්ම්… ඔන්න ඕවා තමයි මගේ ආසම…
    [ඔයා ගස් උඩ නැගගෙන චක්කරේ පාඩම් කරේ පාරේ යන චුටි ගෑනු ළමයින්ව ඉම්ප්රෙස් කරන්න නේද??]

  19. //මම අලිගැට පේර කන්නේ මී පැණි එක්ක!// ඕකනේ කියන්නේ මා කරන විදිහට ටිකයිනෙ වෙනස.
    //[ඔයා ගස් උඩ නැගගෙන චක්කරේ පාඩම් කරේ පාරේ යන චුටි ගෑනු ළමයින්ව ඉම්ප්රෙස් කරන්න නේද??]// තිබුනේ වත්ත ඇතුලට වන්නට. ඒ නිසා මට ඉම්ප්රෙස් කරන්න ඕනි අය, මේ අසලින් ගියේ නැහැ. ඔන්න පැණිත් එක්ක අලිගැට පෙර කන කෙනෙක් වත් අසලින් ගියා නම්…….!

  20. නෙස්ටොමෝල්ට් දියර වත් ගැලපේවිද?

  21. රසික, අලි කතාව තේරුණේ දැනුයි.

    අර ප්‍රංශ මිත්‍රයා ඔබට සිංහල කියා දෙයි එයාගෙන් අහන්න. මා ලියා ඇත්තේ අලිගැට පේර කන්නේ මොනවා එක්කද? මිසක් අලි, ගැට පේර කන්නේ මොනවා එක්කද? යනුවෙන් නොවේ හොඳේ! යකඩෝ මේ සේරම සිංහල හදන්න එන්නේ මගේ බ්ලොග් එකට විතරද? 😀

  22. මමත් පොඩි කාලේ ගස් වලට නැග්ගා. හැබැයි පොඩි පොඩි ගස් වලට.
    කොහොම උනත් ඒ දවස් වල නිවාඩු දවසට මගේ ජීවිතය ගෙවුනේ මිදුලේ තමයි.

    අපිට උගන්නන්න ආපු ඝානාවේ පොෆෙසර් කෙනෙක් කිවුවා, බණ්ඩක්ක හා බත් එකට කන එක ඝානාවේ අයට අප්පිරියජනක දෙයක් කියල. කොහොම උනත් ඝානාවේ ගොලුබෙල්ලෝ රස කරමින් කනව. ඔය ගොලුබෙලි වගාව ගැන උගන්නන්න පිවිසුමක් විදියට, ෆුඩ් කල්චර් ගැන හඳුන්වන්න තමයි ඔහු බණ්ඩක්ක කතාව කිවුවේ.

    අපි ළඟදී ට්‍ෆීල්ඩ් විසිට් එකක් ගිහින්, කන්න තිබුණු බටර් පාන් වල බටර් මතට, මම ෂුගර් ස්ටික් එකක් කඩල සීනි ඉසගත්තා, පොඩි කාලේ කාපු පුරුද්දට. මෙසේ හිටපු අනිත් ඔක්කොම හිනා උනා හොඳටම. 😀

  23. *ෆීල්ඩ් විසිට්

  24. tharushi m

    මමනම් හිතන්නෑ එය එසේ වේවි කියලා….දියර එයට නොගැලපේවි ..

  25. ලස්සන ගීයක් වගෙම අලිගැට පේර මතකයත් හරි රසයි.. අපි පොඩි කාලේ හිටියේ නාවලපිටියේ.. ගෙදරම අලිගැටපේර ගස් තිබ්බා කීපයක්ම.. ඒ රස ඔසී අලිගැටපේර වල මට එන්නේ නැ… මමත් ආසම හොඅඳට ඉදුනට පස්සේ සිනීත් එක්ක කන්න.. අලිගැටපේර, යෝගට් , කහ, දෙහි ඉස්ම මුනේ ගාපු කාලෙකුත් තිබ්බා.. හි හී

  26. මානවි, එක ගැහැණු කෙනෙක් ලංකාවේදී මගේ ප්‍රියම්භිකාවට කියා තිබුණ, මිස් දැන් හොදට බණ්ඩක්ක කන්න, දරුවාව පහසුවෙන් ලැබෙන්න. අප අනුන්ට හිනාවෙනවා නේ අපෝ කන දේවල් කියා. එයාලත් අප හරිම නෝමල් කියා අපට හිතෙන ඒ වගේම කෑම වලට දක්වන ප්‍රතිචාරය ඒ වගේමයි.

    නුවර පොල් හොදි කෙසේ වෙතත්, රත්නපුරා අලහොදී කියන්නේ නම් කසිප්පු වර්ගයක්.

  27. අලිගැටපේර කිව්වම එතන අලිවත්, ගැටවත්, පේරවත් නෑ කියල මම හිතන්නෙ රයිගම් දන්නව ඇති නේද? ඔය වචනෙ මූලාශ්‍රය ඇවිල්ල හිට Alligator pears…:)

  28. ආ නිම්නි නාවලපිටියේද?
    මා දැන් ලංකාවේ කෙසෙල් එකකටවත් කැමති නැහැ. එහෙම තමා නිම්නි, අපේ කැමැත්ත හැම අතටම යන්න පුළුවන්.

    //අලිගැටපේර, යෝගට් , කහ, දෙහි ඉස්ම මුනේ ගාපු කාලෙකුත් තිබ්බා.. හි හී// හි හි එහෙනම් නිම්නිගේ මුහුණ දැන් රන්වන් පාටින් බැබලෙනවා ඇති නේද? 😉

  29. ඔව් රවී එය වෙනමම කතාවක් නේද? සටහනකට හොඳයි ඒ ගැනත් ලියන එක. පසුව පොස් කට්ටිය අලිපේර කියලත් ඕවට කියුවා.

    ගැට පේර කාපුවහමත් මොනවදෝ වෙනවා කියුවා අපට පොඩි කාලේ. අමු අඹ කපුවහම මුත්‍රා එක්ක ලේ යනවා කියුවා. අප නම් ඔය මොකුත් සැලකුවේ නැහැ. හෙවුවේම ගැට පේර තමා. 😀

  30. හි හී.. ඒක නම් ඉතින් අහන්න ඕන මූණ බලන අයගෙන් තමා…

  31. මට පෙන්නුවොත් හරියටම කියන්නම්! 😉

  32. ඔබේ අතීතය සුන්දරයි. නමුත් වර්තමාන දරුවන් ගොඩ දෙනක්ට ඒ තරම් පින් මදි නේද

  33. අලි පේර නං ඊ…………….යා

  34. ඔබ එහෙම කියන්නේ මොන අර්ථයෙන්ද මන්දා? අපගේ දරුවන් ගේ ළමා කාලයත් සුන්දරයි. එකම දේ එයාලගේ ආතල් වෙනස්.

  35. නිම්නය පැත්තේ ඇවිත් යන්න ඉඳ හිට .. ඔබ දකීවි..සමහර විට… 🙂 🙂

  36. හරි, ඔබව දකින්න පුළුවන් නම් කියන ඕනෙම තැනකට (නිම්නයක් නොවේ ගිරි දුර්ගයකට පවා) එන්නම්! 🙂

  37. :O are u sure ? will see one day…