හොර-මාම-යිට්, vegemite and G’day mate! (අවසාන කොටස)


මා මේ කතාවේ මුල් සටහන ඉවර කරපු ප්‍රශ්නයට යලි ගියොත්, ඕස්ට්‍රේලියානු කෑම පමණක් නොවේ, ජිවන විලාසිතාව ගැන කියවෙන හැම විටම පාහේ  මතක් කරන දෙයක් තමා, වෙජිමයිට්. එංගලන්ත මාමයිට් තරම්ම ඉතිහාසයක් තියන, වෙජිමයිට් හදා තියෙන්නේ බහුජාතික සමාගමක් වුවත්, එය ඕස්ට්‍රේලියානු ජීවිතය ගැන කියවෙන විට සඳහන් කරන්නේ, මෙහෙ කට්ටිය අර මාමයිට් වලට කැමැත්තක් නැති නිසා, පමණක් නොවේ.

ටෝස්ට් කරපු පාන් පෙත්තක් වෙජිමයිට් තවරා කන එක මෙහෙ පාතරාසය යයි කියුවත්, එහෙම හැම දෙනාම කන්නේ නැහැ. නමුත් ඇමෙරිකන් ජනපති ඉඳල ඔය හොලිවුඩ් තරු ආවහමත් අහන ප්‍රශ්නයක් තමා වෙජිමයිට් රස බැලුවද කියන එක.

img_20160921_130152980

 
වම් පැත්තේ තියෙන්නේ නවසීලන්ත මාමයිට්, දකුණු පැත්තේ ඉන්න “අපේ මචං” එංගලන්ත මාමයිට්.

මා මේ කතාන්දරය ලියුවේ ආහාර වලට පුරුදු වීමට  මනුෂ්‍යයා කොතරම් නම්‍යශීලි බවක් දක්වනවා කියන එක පමණක් නොවේ, පුරුදු වූ ආහාර වලට ඇලිල ඉන්නත් කොතරම් කැමතිද කියන එක ගැන කියන්න. මාමයිට් වල තියන ආවේණික  රසය පමණක් නොවේ, එය මා කියන ඉහත එකිනෙකට පරස්පර කරුණු දෙකටම උදාහරණයට ගන්න පුළුවන් ආවේණික ආහාරයක්.

මා ලාංකික කඩයට ඉඳහිට ගොඩ වන්නේ,  ප්‍රධාන වශයෙන් බඩු කිහිපයක් මිලදී ගන්න. තුනපහ, මිරිස්, පරිප්පු යනාදිය අපේ සාමාන්‍ය සුපර් මාර්කට් එකෙන් තමා අප මිලදී ගන්නේ. එහෙම ගන්න බැරි දේවල් තුනක් කියන්නම්. එකක් තමා කිතුල් පැණි නමින් එන, තාල වර්ග ගස් වලින් හදන පැණි. අනික තමා උම්බලකඩ. තවත් එකක් තමා යුනිලීවර් හදන මාමයිට්. මේ ජාති අපේ ගෙදර විවිධ අය  ගේ කැමැත්ත නිසා ගන්න දේවල්. ඔන්න මා නම් පැණි වලට ආස නැහැ.

අප ලංකාවෙන් ආපු අලුත, ඔය ඕස්ට්‍රේලියානු කතා දැන ගන්නට පෙර, කඩේ තිබුණ  වෙජිමයිට් බෝතලයක් ගෙනාව. එය කන කොට අප බලාපොරොත්තු වූ මාමයිට් රසය තිබුනේ නැහැ. විශේෂයෙන් අපේ ගෙදර මාමයිට් නැතුවම බැරි කෙනෙකුට.

ඉන්පසු ලාංකික කඩේට ගියහම සුපුරුදු පරිදි අර කාඩ්බෝඩ් පෙට්ටිය ඇතුලේ එන, එයටම ආවේනික හැඩයක් සහිත මාමයිට් බෝතල්  මිලදී ගන්න පටන් ගත්ත. එයට අමතරව ලංකාවට ගියහම, ගෙනෙන දේවල් අතරත් මාමයිට් බෝතල ප්‍රධාන තැනක් ගත්ත.

මෙහෙ ලොකු කඩවල මාමයිට් මාමයිට් තියනවා. එංගලන්ත යුනිලීවර් සමාගමේ අවසරය ඇතුව, නිපදවන නවසීලන්ත මාමයිට් වල රසය, ඕස්ට්‍රේලියානු වෙජිමයිට් වලට ආසන්නයි. එංගලන්ත මාමයිට්  වෙන නමක් යටතේ ගෙන්වා විකුනනවා. එයත් අප පොඩි කාලේ කාපු මාමයිට් ම නොවේ. එයට හේතුව මා ලියන්නම්.

කොහොමහරි මේ සඳුදා ලංකික කඩයට ගිය විට මට වෙනදා දකින්න නොලැබෙන, පෙට්ටිය නැති, බෝතල් පමණක් ඇති මාමයිට් දකින්න ලැබුණ. අපේ සුපර්මාර්කට් වල තියන මයිට් සේරම බෝතල් පමණක් නිසා, මා  තුනක් ගෙදර ගෙනාව.

img_20160920_111126744_hdr

හදපු කෙනෙක් හෝ රටක් නැත.

ගෙනාවහම තමා දුටුවේ, බෝතල් වල මූඩිය සුපුරුදු පරිදි තදින් වැසී නැහැ හරි ලිහිල්. ඇතුලේ මාමයිට් නිකම් ගලක් වගේ. බෝතලය හා මාමයිට් අතර හිඩැසක්. හරියට වැහිලා නැති නිසා තිබුණ  ජලය වාෂ්ප වී හැකිලීම නිසා වෙන්න ඇති. මගේ අනුමානය වුනේ මේවා එකත් එකට ආච්චිලා ගෙදර හදපු මාමයිට් කියායි.

img_20160920_151800240_hdr

මේ මාමයිට් කඩා ගන්න, මිටියක් ඕනේ.

පසුවදා මේ ජරාව මා කඩේට ගිහින් දීල සල්ලි ගත්ත. උදේ එය මගේ මෙසේ උඩ  තියනවා දැකපු චීන සිසුවියක් මේ මොනවාද කියා ඇසුවා. ඇය වෙජිමයිට් හෝ මාමයිට් කිසිදා කාලත් නැහැ. මා කියුවේ උඹ ඕස්ට්‍රේලියාවට  ඇවිත් ගියා කියන්න  හෝ වෙජිමයිට් එකක් අරන් කාපන් කියා.

අපේ  ලාංකික සංක්‍රමණික යන්ගෙන් කී දෙනෙක් වෙජිමයිට් වල රසය දන්නවද කියා මා දන්නේ නැහැ. හැබැයි ගොඩක් දෙනා කිසිදා රහ බලා නැතුව ඇති. මා නම් මොන මයිට් වලවත් විශාල රසවතෙකු නොවේ. හැබැයි වෙජිමයිට් වල රසය දන්නවා.

මාමයිට් ගැන කලින්  තියන ප්‍රතිචාර වලින් පෙනෙන්නේ, ලංකාවේ ඉන්න පිරිසත් මාමයිට් වලට කොතරම් කැමතිද කියා. මාමයිට් කියන්නේ ලංකාවේ දිවට සම්පුර්ණ ආගන්තුක රසයක්. බලන්න එයට අපේ අය  කැමති වීම කියන්නේ අපේ දිවේ නම්‍ය තාවයයි.

හැබැයි එහෙම ආගන්තුක රසයකට කුඩා කාලේ  සිට පුරුදු වී, එයිට සමාන රසයක් තියන වෙජිමයිට් වලට අපට හුරුවන්න බැරි මොකෝ? මේක අනුන්ගේ ආහාර  වලට සිනා සෙන සියල්ලන්ම සිතන්නට ඕනේ දෙයක්.

පසු වදන

හෙන්රි  මාමයිට් හදන්නේ යිස්ට් වලින් කියනවා නම්, ඔතරම් පෝෂණයක් එහි කොහොමද බං  කියන එකට මා එවෙලේ හරියට ලියුවේ නැහැ. ලංකාවේ මාමයිට් වලට 100% යිස්ට්  වැකිය තවම තියනවද මා දන්නේ නැහැ. මෙහෙ නම් මොන මයිට් එකක්වත් 100% යිස්ට් සාරයක් නොවේ. ඒවාට එලවළු  සාර හා තවත් නොයෙකුත් දේ රසකරන්න හා පෝෂණ ගුණයක් ලබා දෙන්න එකතු කර තියනවා.

img_20160921_102051658

මෙන්න කඩේ තියන මයිට් වර්ග වලින් සමහරක්; මාමයිට්,  අවර් මේට්, වෙජිමයිට්, ඔසී මයිට්, ඕස් මයිට්, මයිටි මයිට්, ප්‍රොමයිට් හා තවත්. වට්ටෝරු එකිනෙකට යන්තමින් වෙනස්. ඒ නිසා රසයත් යන්තමින් වෙනස්. ඒ වෙනස දැනෙන්නේ පුරුදු වුන දිවකට පමණයි. ඒ නිසා කුඩා කාලයේ මේ ඕනෙම එකකට හුරු වෙන්න හැකිද? ඔව් මා හිතන්නේ අප  විකල්ප නොමැති වෙලාවට කැරපොත්තන් පවා නොකා ඉන්නේ නැහැ.

පසුම වදන

මා ලාංකික කඩේට යන්නේ, සාමාන්‍ය වෙළඳපොල විකල්ප නොමැති අවස්ථාවල පමණයි. මේ ආසියානු කඩ වල තියන ආහාර ගැන මගේ පැහැදීමක් නැහැ. ලොව කොතරම් ආහාර  වලට හුරු වුවත්, කුඩා කළ  සිට අප දිව හුරු කර ගත්තු විදිය අත හැරෙන්නේ නැහැ. ලොව ඕනෙම රටකින්, වෙන රටකට සංක්‍රමණය වන සියලු දෙනාට එය පොදු කතාවක්.

ඇමුණුම්:

මාමයිට්, වෙජිමයිට් හා අනෙක් තරල සාර ගැන  ලියන්න විවිධ කතා තියනවා. ඒවා වෙළඳ ලෝකයට  අදාල  දේවල්. ඒවා ගැන වෙන දිනක බලමු.

Vegemite Alternatives

http://www.bobinoz.com/blog/13711/buying-typically-english-food-in-australia/

http://www.news.com.au/finance/economy/world-economy/brits-freak-out-over-marmite-shortage/news-story/3251c3b6fedf3767f070152e8401e521

(මුලින් ඡායාරූප  ගත්තේ, කඩෙන් මගේ මාමයිට් බෝතල් තුන බාර නොගත්තොත් කියා. සටහන වෙනුවෙන් ම ඉතිරි පින්තූර ගත්ත).

Advertisements

16 Comments

Filed under Opinion

16 responses to “හොර-මාම-යිට්, vegemite and G’day mate! (අවසාන කොටස)

  1. Pingback: හොර-මාම-යිට්, vegemite and G’day mate! (අවසාන කොටස) | සතුටු වැස්ස බ්ලොග් කියවනය

  2. Mate යන්න නිවැරදිව කියවෙන්න නම් උච්ඡාරණය කළ යුත්තේ මායිට් කියායි!

    My mate = මා මයිට්

    • මේ ගොල්ලන් කියන්නේ මෙයිට් (= mate) කියලනේ රසික. මා එතරම් නිවැරදි උච්චාරණයකට ගියේ නැහැ.

  3. හදපු රටක් දක්වා නැත්නම් අනිවාර්යයෙන් ලංකාවේ 😀

  4. හප්පා………..ආයේ ගන්නේ හොඳට බලලා.

    • මා හිතන්නේ විචාරක මේ export quality ඒවා. ඒ නිසා ලංකාවේ ගන්න තියන ඒවා ගැන ලොකුවට බය වෙන්න දෙයක් නැහැ {වැඩිපුර අකුර දැනුයි (25/9 at 11.23 am දුටුවේ. ඔබ කලින් කියවූවා නම් ගණන් ගන්න එපා, එය නොදුටු වැරදීමක්!}.

  5. //ඇය වෙජිමයිට් හෝ මාමයිට් කිසිදා කාලත් නැහැ//
    ඈ? මෙච්චර වෙජිමයිට් තියෙන රටේ වෙජිමයිට් කාල නැද්ද? දෙවියනේ.
    මට නම් මාමයිට් -> වෙජිමයිට් ට්‍රාන්සිෂන් එකට ලොකු කාලයක් උනේ නෑ. කාලාන්තරයක් තිස්සේ දැන් වෙජිමයිට්. අර චීස් සහ වෙජිමයිට් රෝල් තියෙන්නේ බේකරි වල. අන්න ඒක උණුවෙන් කන්න අපි දෙන්නම ගොඩක් ආසයි.

    තමන්ගේ comfort level එකෙන් පිට යන්නැති එක ඉතින් ගොඩක් අයට තියෙන දෙයක් නේ. මගේ එහාපැත්තෙ ඉන්න ඉතාලි පොර ජීවත්වෙන්නේ චීන පාරාදීසයක් වගේ පැත්තක. ඒ පැත්තේ චීන/මැලේ/තායි කෑම කඩ, ‘හෝකා සෙන්ටර්’ එහෙම පිරිලා – සතියේ දින වලත් රා 10 වත් වෙනකම් ඇරලා. මේ මනුස්සයා කියනවා එහෙම තියෙද්දිත් තාම එක දවසක් වත් ඒ කෑම කාල නැතිලූ. මිනිහ තව කිලෝ මීටර් ගානක් ගෙවාගෙන පීට්සා/පැස්ටා හොයා ගෙන යනවලු.

    • මා නම් නිරෝෂි, අද ඔය වගේ දේවල් ගැන එතරම් පුදුම හෝ වොරි වෙන්නේ නැහැ. මේවා එකිනෙකාගේ කැමැත්ත නේ. මා පවා වෙජිමයිට් හෝ මාමයිට් වල ලොකු රසවතෙක් නොවේ. නිසා අපට පුරුදු මාමයිට් නොමැති නම්, මට මාමයිට් නැතුවම ඉන්න හැකියි.

  6. මාමයිට් සහ වෙජිමයිට් අතර වෙනස මොකක්ද ?

    • විශාල වෙනසක් නැහැ මචං. සුවඳ ගොඩක් දුරට එකයි. වෙජිමයිට් වලට සීනි සහ තව එකතු කරන දේවල් නිසා වෙනම රසයක් එහි තියනවා. එය දිවෙන් හඳුනා ගන්නවා මිස විස්තර කරන්න මට අමාරුයි.

  7. ඔබට උන දේම මටත් උනා, හැබැයි මාමයිට් නෙමේ, මම ගෙනාවේ තල වලින් හදපු රසකැවිල්ලක්.. ගෙදර ගෙනත් කන්න හැදුවට ගල් වගේ… අමුතුම මුඩු ගඳකුත් ආවා , ඒ වගේම සමහර පැකට් කරලා තියන දේවල් ඇතුලේ ගුල්ලෝ ඉන්න වෙලාවලුත් තිබුනා.. ඒත් ඉතින් සිංහල කඩ කීපයක් ලඟ තියන එක නම් ලොකු දෙයක්…

    • නිම්නි, මා ඔබට කියා තියනවා නේද ඔය ජරාව කන්න එපා කියා? මා නම් යන්නේ දෙමල-සිංහල කඩේකට. එයත් මට මහා ලොකුවට ඕනේ දෙයක් නම් නොවේ. මේ වර ගමනෙන් යන්න ඕනේ එක හේතුවක් නැතුව ගියා.

  8. tharushi m

    මම එකම එක වතාවයි වෙජිමයිට් කාලා තියෙන්නේ…එතරම්ම රස මතකයේ නැති වුනත් යන්තමට වගේ මතකයි…. මට තාම මතකයි මම වෙජි මයිට් කාපු දවසේ මම ඒ රසට හුගක් ආස කලා…ඒ වෙජි මයිට් බෝතලේ අපේ තාත්තට කවුද දුන්න එකක්….මම චූටි නිසා කවුද කියලා මතකයක් නෑ … ඒත් ඒ බෝතලේ ඉවර කරේනම් මම….

    • ඔබ එහෙනම් මෙහෙ තියන මයිට් වර්ග සේරටම ආසා කරාවි. ඒ සේරමව වගේ වෙජිමයිට් රසයි.

ඔබගේ අදහස එකතු කරන්න!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s